Isang espesyal na episode ang pinalabas dahil 24th birthday ni Alden Richards. Naghanda ang katambal nyang si Maine ng tatlong sorpresa. Dumating din ang mga kaibigan at kapamilya ni Alden upang magbigay ng mensahe para sa birthday boy. Bumisita pa si Daddy Bae! Ayon kay Lola Nidora, gusto niya raw makilala ang kaniyang balae. Pinakilala na rin ni Alden si Maine kay Daddy Bae; ayan at nagmano pa siya. Kanina pa pinipigilan ni Alden ang kaniyang mga luha ngunit nang magbigay ito ng mensahe, bumuhos ang mga luha mula sa kaniyang mata. Pinasalamatan niya ang lahat ng mga sumusuporta sa kaniya at inalala rin ang kaniyang yumaong ina.
