Jökull Júlíusson, söngvari og lagahöfundur hljómsveitinnar Kaleo, kom eins og stormsveipur inn í íslenskt tónlistarlíf árið 2013. Þar með hófst ótrúlegt ferðalag sveitarinnar; útgáfusamningur við plötuútgáfuna Atlantic Records, samningar um að tónlist þeirra yrði notuð í kvikmyndum og sjónvarpsþáttum og endalaus tónleikaferðalög.
Sara Pétursdóttir, eða Glowie eins og hún kallar sig opinberlega, er ein vinsælasta söngkona landsins. Ferill hennar fór á flug árið 2014 þegar hún sigraði í Söngkeppni framhaldsskólanna fyrir hönd Tækniskólans. Í framhaldi af því hóf hún samstarf við upptökuteymið Stop Wait Go og hefur gefið út hvern stórsmellinn á fætur öðrum.
Gunnar Valdimarsson er einn fremsti húðflúrari heims. Hann hefur tuttugu og þrisvar sinnum unnið til alþjóðlegra verðlauna og flúrað þúsundir manna í öllum heimsálfum. Hann þykir einkar laginn við andlitsmyndir, enda eru þær aðalsmerki hans.
Atvinnukylfingurinn Ólafía Þórunn Kristinsdóttir er fyrsti Íslendingurinn sem tryggir sér fullan þátttökurétt á LPGA mótaröðinni. Þetta golfmót er sterkasta atvinnumótaröð kvenna í heiminum. Ísþjóðin með Ragnhildi Steinunni skyggnist inn í líf þessarar ungu og efnilegu golfkonu.
Heiðar Logi Elíasson er fyrsti atvinnumaður íslendinga á brimbretti. En segja má að Norður-Atlandshafið sé hans annað heimili.