Bumisita si Alden sa barangay para personal na tanungin si Lola Nidora kung puwede niyang maka-date si Yaya para sa kanilang 18th weeksary. Ayaw ni Lola noong una, ngunit dahil sa pagmamahal sa apo at tiwala kay Alden, pumayag na rin siya. May inihandang surprise date si Alden sa Broadway. Pero tila gusto ni Cindy sirain ang kasiyahan. Hindi natuwa si Yaya sa pagdating ng Russian supermodel. Nagtagpo na ang mga naglalaban para sa puso ni Alden at nag-showdown pa ang dalawa. Ngunit nawalan ng sigla si Yaya nang sabihin ni Cindy na engaged na sila ni Alden dahil ito raw ang ipinangako ni Lola Babah. Tuluyan na bang masisira ang AlDub?
